Saga Þórsnesinga,
Eyrbyggja og Álftfirðinga
Eyrbyggjusögufélagið
Stofnað í Helgafellssveit 2021
Stór og mikill titill þeirrar Íslendingasögu sem gengur undir nafninu Eyrbyggja saga. Sagan gerist á Snæfellsnesi og er héraðssaga svæðisins.
Eyrbyggjasögufélagið var stofnað í Helgafellssveit á Snæfellsnesi árið 2021 í þeim tilgangi að vinna að miðlun sögunnar til áhugasamra.
Gramsað í gömlum og góðum bókum
á Hraunhálsi.
Töluvert magn bóka hefur safnast í skemmuna á Hraunhálsi og nú er svo komið að boðið verður upp á bókamarkað í Skemmunni. Bækur sem til eru í fleiri en einu eintaki verða til sölu og rennur allt söluandvirði til Eyrbyggjusögufélagsins. Þrjú verð gilda, ekki er posi á staðnum en hægt að leggja andvirðið inn á reikning félagsins.
Kaffi og með því til sölu á meðan opið er og hver veit, eitthvað skemmtilegt verður mögulega á dagskrá kl. 16 – Það er ekkert víst að það klikki! 
Opnunartímar sem hér segir kl. 14-17 þessa daga:
Sunnudagur 29. mars til og með mánudags 6. apríl
Laugardagur & sunnudagur 11. -12. apríl
Laugardagur & sunnudagur 18. -19. apríl
Refillinn kominn heim!
Nú hefur öllum hlutum Eyrbyggjusögurefils verið úthlutað á saumastaði á Snæfellsnesi. Námskeiði í refilsaum er lokið og saumaskapur hafinn víðast hvar.
Staðirnir eru:
- Hraunháls, Helgafellssveit
- Amtsbókasafnið, Stykkishólmi
- Dvalarheimlið, Grundarfirði
- Þjóðgarðsmiðstöð, Hellissandi
- Lýsuhólsskóli, Staðarsveit
- Breiðablik, Eyja- og Miklaholtshreppi
Opnir saumaviðburðir verða auglýstir á samfélagsmiðlum.
Leshringur og gönguferðir
Verið er að lesa Glæsir eftir Ármann Jakobsson og haustið 2026 verður hafist handa við lestur á Laxdælu.
- Texta Laxdælu má finna hér!
- Hægt er að hlusta á Laxdælu á Storytel, Rafbókasafni, Hljóðbókasafni og víðar.
Gönguferðir á söguslóðir Eyrbyggju eru á dagskrá og eru tilkynntar með góðum fyrirvara á samfélagsmiðlum Eyrbyggjusögufélagsins. Meðfylgjandi mynd er tekin í Álftafirði við Kársstaði í janúar 2026.
Eyrbyggjusögufélagið fékk Kristínu Rögnu Gunnarsdóttur til að teikna myndrefil byggðan á Sögu Þórsnesinga, Eyrbyggja og Álftfirðinga. Hönnun er lokið og refill kominn á Snæfellsnes.
Nánari upplýsingar er að finna á
Facebook síðu refilsins
Fyrstu sporin tekin í Eyrbyggjurefil haustið 2025!
Alls starfa sjö kvenfélög á Snæfellsnesi og þau munu halda utan um saumaskapinn.
Refilhlutar eru á leið til kvenfélaganna og má búast við að saumaskapur hefjist af krafti í janúar 2026.
Eyrbyggjusaga er til í upplestri nokkurra lesara. Lestur Helga Hjörvar, frá Drápuhlíð í Helgafellssveit, árið 1961 hefur verið gerður aðgengilegur hjá Ríkisútvarpinu að beiðni Eyrbyggjusögufélagsins.
🎧 Eyrbyggja á Sarpi RÚV
🎧 Hlaðvarpið Saga Thing með þeim John og Andy hefur einnig fjallað um Eyrbyggju
Eyrbyggja á netinu:
Íslensk útgáfa: Snerpa útgáfa.
Ensk útgáfa: Sagadb & Public Library með formála
Úrdráttur úr sögunni gerður af Hörpu Hreinsdóttur er gagnlegur þegar sagan er lesin eða hlustað er á hana.
Ættartengsl í Eyrbyggju geta verið flókin en til að glöggva sig betur á því hefur Ólafur K. Ólafsson tekið saman gott yfirlit.
Frá stofnun Eyrbyggjusögufélagsins hefur verið bryddað upp á göngur á söguslóðir Eyrbyggjusögu á Snæfellsnesi.
Berserkjagata, Helgafell og Álftafjörður eru aðeins nokkrir þeirra staða sem kannaðir hafa verið með áhugasömu göngufólki.
Bendum áhugasömum á að fylgjast með dagskrá á Facebook síðu félagsins.
Örnefni Eyrbyggju má finna á vef Íslenska sögukortsins, sem hlotið hefur stuðning frá Miðaldastofu/Háskóli Íslands, Rannís, Stofnun Árna Magnússonar í íslenskum fræðum, The British Academy og Emily Lethbridge á veg og vanda af ásamt fleirum.
Iceland Saga Map
Eyrbyggjusögufélagið var stofnað árið 2021 í Helgafellssveit. Tilgangur félagsins er að miðla sögunni sem er héraðssaga Snæfellsness á sem fjölbreyttastan máta.
Stjórn félagsins skipa: Jóhannes Eyberg Ragnarsson formaður, Ólafur K. Ólafsson gjaldkeri, Anna Melsteð ritari og verkefnastjóri og Guðlaug Sigurðardóttir meðstjórnandi.
Öllum er velkomið að ganga í félagið og með því að senda póst á eyrbyggja@eyrbyggja.is verður viðkomandi skráður í það, árgjald var ákveðið á aðalfundi 2025 kr. 10.000
Eytbyggjusögufélagið þakkar eftirtöldum aðilum fyrir stuðning við starfsemi félagsins:
- Atvinnuvega- og nýsköpunarráðuneyti
- Samtök sveitarfélaga á Vesturlandi – Uppbyggingarsjóður
- Helgafellssveit
- Stykkishólmsbær
- Sveitarfélagið Stykkishólmur
- Eyja- og Miklaholtshreppur
- Norræna félagið – Stykkishólmsdeild
- Snæfellsbær
- Grundarfjarðarbær
- Ónafngreindir bakhjarlar fá einnig þakkir fyrir stuðninginn.
Ull er gull
Ull í Eyrbyggjusögurefil kemur af öllu Snæfellsnesi. Sauðfjárbændur á svæðinu tóku vel í það leggja til ull í verkefnið og eru þeim færðar bestu þakkir fyrir.